کورته‌ی ژیاننامه‌ی که‌مال میراوده‌لی:
• سالی 1951 له‌ گۆندی مه‌رگه‌ له‌ دایک بووه‌. سه‌ره‌تایی هه‌ر له‌وێ ته‌واو کردووه‌.
• ناوه‌ندی و ئامه‌ده‌یی له‌ قه‌لادزه‌ ته‌واو کردووه‌. یه‌که‌می لیوای سلیمانی بووه‌ له‌ به‌شی ئه‌ده‌بی.
• به‌شی ئینگلیزی له‌ زانکۆی به‌غدا له‌ سالی 1971 ته‌واو کردووه‌ .
• بۆته‌ مامۆستای زمانی ئینگلیزی له‌ قۆتابخانه‌ی ئاماده‌یی له‌ ‌قه‌لادزه‌، ئه‌وسا له‌ ره‌به‌ت له‌ ئێران له‌ 1974- 1975. دوای گه‌رانه‌وه‌ دوای هه‌ره‌س دۆباره‌ له‌ قه‌لادزه‌و ئه‌وسا له‌ ئه‌زمر له‌ سلێمانی مامۆستا بووه‌.
• له‌ ساڵی 1979 به‌ سه‌رۆکی یه‌کێتی نووسه‌رانی کۆرد – لقی سلێمانی هه‌ڵبژێردراوه
‌• کتێبی (فه‌لسه‌فه‌ی جوانی و هونه‌ر) ی له‌ ساڵی 1979 دا نووسیوه‌ بۆ دامه‌زراندنی به‌شی دیراساتی کوردی له‌ زانکۆی سلێمانی.

• له‌ ساڵی 1982 ماسته‌ری له‌ فه‌لسه‌فه‌ی مێژوو له‌ زانکۆی Essex له‌ به‌ریتانیا وه‌رگرتووه‌. هه‌ر له‌و زانکۆیه‌ له‌ به‌شی ماسته‌ر ده‌رسی فه‌لسه‌فه‌و ره‌خنه‌ی ئه‌ده‌بی وتۆته‌وه‌.
• ساڵی 1987 دکتۆرای فه‌لسه‌فه‌ی له‌ ئه‌ده‌بی ئینگلیزی، بابه‌تی رۆژهه‌ڵاتناسی ئه‌ورووپی وه‌رگرتووه‌.
• سالی 1992 ماسته‌رنامه‌ی زانستی له‌ ئابووری و زانستی سیاسیی- بابه‌تی پێوه‌ندی ده‌وڵه‌ت و ریکخراوه‌کانی کۆمه‌ڵگه‌ی مه‌ده‌نی، له‌ زانکۆی له‌نده‌ن هێناوه‌
• ساڵی 1992 هاوکار بوه‌ بۆ دامه‌زراندنی رێکخراوی فریاگوزاری کوردی KLA بۆ دروستکرنه‌وه‌ی قۆتابخانه‌و خه‌سته‌خانه‌و پرۆژه‌ی ئاو له‌ ناوچه‌ی مه‌رگه‌و پشده‌ر و دوکان گه‌راوه‌ته‌وه‌ کۆردستان. دوای دروستبوونی شه‌ڕی ناوخۆو دوایی کشانه‌وه‌ی NGO کان له‌ کۆردستان دوای ئابی 1996، به‌ ناجاری وازی له‌م پرۆژه‌یه‌ هێناوه‌.
• له‌ ساڵی 1997 تا ئێستا به‌ رێوه‌به‌ری ده‌زگای پێشخستنی ریکخراوه‌کانی کۆمه‌ڵگایی مه‌ده‌نی که‌مایه‌تییه‌نه‌ته‌وه‌ییه‌کانه‌، له‌ له‌نده‌ن. و ساڵانه‌ به‌رنامه‌ی مه‌شق و راهێنان له‌ بواری پیشخستنی کۆمه‌لگایی، سه‌رکردایه‌تی، نه‌خشه‌ی ستراتیژی و به‌رێوه‌بردنی‌ دیمۆکراتی، هتد بۆ زیاتر له‌ 300 رێکخراو ده‌نووسێ. نامێلکه‌ نوسراوه‌کانی له‌م بواره‌دا بۆ 6 زمان ته‌رجه‌مه‌ کراون. له‌ هه‌مان کاتدا وانه‌ی زمانی ئینگلیزی و ته‌رجه‌مه‌ له‌ کۆلێژه‌کانی له‌نده‌ن ده‌ڵێته‌وه‌.

• بۆ BBC وه‌ک وه‌رگێری سه‌ربه‌خۆ له‌ کوردیی و عه‌ره‌بییه‌وه‌ بۆئینگلیزی کاری کردووه‌.
• ئه‌ندامی بۆردی به‌رێوه‌بردنی ئه‌نجومه‌نی کۆمه‌ڵگای مه‌ده‌نی شاری له‌نده‌ن LVSC- ه‌.
• ئه‌ندامی ده‌سته‌ی راوێژکاری پارێزگاری{مه‌یه‌ری} شاری له‌نده‌ن- ه‌ بۆ کاروباری په‌نابه‌ران.
• ئه‌ندامی بۆردی به‌رێوه‌بردنی چه‌ند رێکخراوێکی مه‌ده‌نی له‌نده‌ن – ه‌.
• وه‌ک نووسه‌ر یه‌که‌م وتاری له‌ رۆژنامه‌ی برایه‌تی له‌ ساڵی 1969 دا بلاو کردۆته‌وه دوایی بابه‌تی شیعرو ره‌خنه‌ی ئه‌ده‌بی نووسیوه‌.
• زیاتر له‌ 20 کتێبی به‌ زمانی کوردی و ئینگلیزی له‌ شیعرو ره‌خنه‌ی ئه‌ده‌بی و فه‌لسه‌فه‌و بابه‌تی سیاسیی و پێشکه‌وتنی کۆمه‌ڵایه‌تیدا نووسیوه‌.
• یه‌که‌م که‌سه‌ که‌ هه‌لبژارده‌ی شیعری 30 شاعیری کوردی کردووه‌ به‌ زمانی ئینگلیزی
• شه‌ش گۆڤارو رۆژنامه‌ی به‌ زمانی کوردی له‌ ده‌ره‌وه‌ی ولات دامه‌زراندوه‌.
• له‌ ساڵی 1984 یه‌که‌م مانیفێستۆ (پرۆژه‌ی) بۆ دامه‌زراندنی کۆنگره‌ی نه‌ته‌وه‌یی کورد نووسیوه ‌و بۆ هه‌موو سه‌رۆکه‌کانی کوردی ناردووه‌.
• له‌ ساڵی 1985- 1990 سه‌رۆکی هه‌ڵبژێردراو به‌رێوه‌به‌ری مه‌ڵبه‌ندی رۆشنبیری کوردی بووه‌ له‌ له‌نده‌ن و رێبه‌ری هه‌موو که‌مپه‌ین و چالاکییه‌کانی کردووه‌ بۆ مافی چاره‌نووس بۆ گه‌لی کوردستان.
• ساڵی 1991 له‌ کاتی راپه‌رین و کۆچره‌وه‌که‌ وه‌ک رێکخه‌ری لیژنه‌یه‌کی هاوبه‌شی به‌ره‌ی کوردستانی له‌ له‌نده‌ن چالاکی کردوه‌ و ده‌یان نامه‌ و یاداشتی بۆ جۆن مه‌یجه‌ر و په‌رله‌مه‌نی به‌ریتانیا و رێکخراوه‌کانی مافی مرۆڤ و نه‌ته‌وه‌ یه‌کگرتۆکان و که‌سێتییه‌ سیاسیی و روناکبیرییه‌کان نووسیوه‌ تا ناوچه‌ی ئاارامی کوردستان له‌ لایه‌ن به‌ریتنایوه‌ بریاردراوه‌.
• له‌ سالی دا 1994 وه‌ ، وه‌ک که‌سایه‌تیییکی سه‌ربه‌خۆ، له‌گه‌ل حیزب و‌ رێکخراو که‌سایه‌تییه‌ کوردستانییه‌کان کا‌ری کردووه‌ تا کۆنگره‌ی نه‌ته‌وه‌یی کۆردستان دروست بووه‌و له‌ ساڵی 1992 راگه‌ێندراوه‌.
• دوای نه‌مانی سه‌ددام و دروستبوونی ریفراندۆم له‌ کۆردستان بزۆتنه‌وه‌ی ریفراندۆمی له‌ ئه‌ورۆپا دروست کردووه‌و له‌ زۆربه‌ی شاره‌که‌نی به‌ریتانیا و ولاتانی ئه‌ورۆپی کۆرو سیمیناری بۆ ئه‌م مه‌به‌سته‌ به‌ستووه‌. کۆمیته‌یه‌کی جیهانی بۆ بره‌وپێدانی رێفراندۆم دروست کردووه‌و بێ وچان کاری کردووه‌ تا توانێتی به‌ پشتیوانی هاوڕێیانی له‌ ئه‌مریکا، له‌ 23/12/2004 دا ئیمزاکانی رێفراندۆم بگه‌یه‌نێته‌ نه‌ته‌وه‌ یه‌کگرتۆکان بۆ یه‌که‌م جار له‌ مێژوودا وه‌ک نوێنه‌ری ئاواتی کۆرد بۆ سه‌ربه‌خۆییی به‌ ره‌سمی پێشوازییان لێبکرێ و وه‌ڵامیان بدریته‌وه‌.و دوای ئه‌وه‌ بۆ هه‌مان مه‌به‌ست له‌ لایه‌ن وه‌زاره‌تی ده‌ره‌وه‌ی به‌ریتانیا پێشوازی لێکرا.
• ئه‌و یاداشته‌ی بۆ نه‌ته‌وه‌ یه‌کگرتۆکانی نارد و له‌ سایته‌کانی ئه‌مریکی و جیهانیدا دا بڵاو بۆوه‌ به‌ [مانیفێستۆی سه‌ربه‌خۆیی کۆردستان) وه‌سف کرا. تا ئێستا به‌ کۆردی بڵاو نه‌بۆته‌وه‌.
• له‌ ده‌یان کۆنفرانس و کۆبوونه‌وه‌ی جیهانی سیاسی و کۆلتوری و ئه‌کادیمی و چاوپێکه‌وتنی ته‌له‌فزیۆنی و رۆژنامه‌نوسی دا به‌شداری کردووه‌. به‌ سه‌دان باس وتاری به‌ ئینگلیزی له‌ سه‌ر مه‌سله‌ی کۆرد له‌ سایته‌ کۆردی و جیهانییه‌کا‌ن بلاو کردۆته‌وه‌. به‌ تاتیبه‌تی له‌ و نووسینی ده‌یان گه‌نجانی کوردیشی کردوون به‌ ئینگلیزی و بڵاوی کردوونه‌وه‌.

• له‌ حوزه‌یرانی 2009 دا خۆی بۆ سه‌رۆکایه‌تی هه‌رێمی کوردستان کاندید کردوه‌.